काठमाण्डौ असौज ५ : ट्राफिक प्रहरीसँगको विवादपछि काठमाडौंको त्रिपुरेश्वरमा बसका चालकले बसमै आगो लगाएका छन् । रिद्धिसिद्धि यातायातका चालकले आगो लगाएका हुन्। उनी आगो लागेर घाइते भएका छन् ।
उनलाई उपचारका लागि कीर्तिपुरस्थित बर्न अस्पताल लगिएको र घटनाको अनुसन्धान भइरहेको जिल्ला प्रहरी परिसर, काठमाडौंका एसएसपी दिलीप घिमिरेले लालबिहानीलाई बताए ।
बस त्रिपुरेश्वरबाट कालीमाटीतर्फ जाँदै थियो । खाली रहेको बस बन्द गरी भित्र बसेर चालकले आगो लगाएका हुन् ।
कीर्तिपुर अस्पताल (बर्न अस्पताल)का वरिष्ठ प्लाष्टिक सर्जन डा. शंकरमान राईका अनुसार चालकको शरीरको ९० प्रतिशत भाग जलेको छ।
‘उहाँको स्वास्थ्य अवस्था गम्भीर छ‘ उनले लालबिहानीलाई भने ।
