काठमाण्डौ असौज ५ : नेकपा एमालेको केन्द्रीय कमिटी बैठक सुरु भएको छ। बैठकमा पार्टीको सचिवालय बैठकले तय गरेका एजेन्डामाथि छलफल भइरहेको छ।
आज बिहान बसेको केन्द्रीय सचिवालय बैठकले केन्द्रीय कमिटी बैठकका लागि विभिन्न एजेन्डा तय गरेको थियो । बैठकमा अध्यक्षको मन्तव्य, राष्ट्रिय गान, नयाँ सदस्यहरूको मनोनयन तथा अध्यक्षको राजनीतिक प्रतिवेदन प्रस्तुत गर्ने कार्यसूची रहेको छ।
त्यसैगरी निर्वाचनको समीक्षा तथा पार्टी पुनर्गठनसम्बन्धी कार्यदलको प्रतिवेदन पनि केन्द्रीय कमिटी बैठकमा प्रस्तुत हुने बताइएको छ।
केन्द्रीय कमिटी बैठकले पार्टीको आगामी राजनीतिक तथा सांगठनिक कार्यदिशाबारे समेत छलफल गर्नेछ।
