काठमाडौं, असार ११, २०८२ । नेपाली राष्ट्रिय क्रिकेट टिमका उपकप्तान दिपेन्द्रसिंह ऐरीले नेपाल प्रहरीको सहायक हवलदार पदबाट राजीनामा दिएका छन्। नेपाल प्रहरीका केन्द्रीय प्रवक्ता डिआइजी विनोद घिमिरेका अनुसार, ऐरीले केही दिनअघि व्यक्तिगत कारण देखाउँदै राजीनामा दिएका थिए, जुन स्वीकृत भइसकेको छ। दिपेन्द्रसिंह ऐरी नेपाल प्रहरीमा सहायक हवलदारको दर्जामा कार्यरत थिए। राष्ट्रिय क्रिकेटमा उनको योगदान उल्लेखनीय रहँदै आएको छ। उनी हाल नेपाली राष्ट्रिय टोलीका स्थायी उपकप्तानका रूपमा क्रियाशील छन् र धेरै निर्णायक खेलहरूमा उत्कृष्ट प्रदर्शन गरिसकेका छन्।
डिआइजी घिमिरेले जानकारी दिएका अनुसार, “उहाँले घरायसी कारण देखाएर राजीनामा दिनुभएको हो। हाल उहाँको राजीनामा स्वीकृत भइसकेको छ।” सरकारी सेवामा कार्यरत खेलाडीहरूले समय व्यवस्थापन तथा दुवै जिम्मेवारी सम्हाल्नुपर्ने चुनौतिका बीच ऐरीले प्रहरी सेवाबाट अलग हुने निर्णय लिएका हुन् भन्ने अनुमान गर्न सकिन्छ। उनले राष्ट्रिय टिममा अझ समर्पित भएर योगदान दिने उद्देश्यले पनि यस्तो कदम उठाएको हुन सक्ने देखिन्छ। दिपेन्द्रसिंह ऐरीको राजीनामा निजी निर्णय भए पनि यो खेल जीवनमा केन्द्रित रहने संकेत पनि हो। क्रिकेटप्रति उनी देखाउँदै आएको समर्पणले अब उनी अझ जिम्मेवार भूमिकामा देखिने अपेक्षा गरिएको छ।
