साउन १५, दाङ – दाङको तुलसीपुरमा बिहीबार भएको ट्याक्टर दुर्घटनामा परी १५ वर्षीय सविन भण्डारी र १७ वर्षीय मनोज रोका मगरको मृत्यु भएको छ। दुवै जना तुलसीपुर–१७ का हुन्। प्रहरीका अनुसार, रा१त ३४७८ नम्बरको ट्याक्टर तुलसीपुरबाट बिजौरीतर्फ जाली बोकेर जाँदै गर्दा तुलसीपुर–७ मोतिपुरस्थित हात्तीखौवा ओरालोमा अनियन्त्रित भएर पल्टिएको थियो। दुर्घटनामा गम्भीर घाइते भएका भण्डारी र रोका मगरलाई तत्काल राप्ती प्रादेशिक अस्पताल तुलसीपुर पुर्याइएको थियो, तर चिकित्सकले उनीहरूलाई मृत घोषणा गरे। ट्याक्टर चालक सुरेश चौधरी (२६), धनबहादुर चौधरी (१५) र प्रकाश चौधरी (२६) लाई प्रहरीले नियन्त्रणमा लिएको छ। प्रहरीले घटनाबारे थप अनुसन्धान गरिरहेको जनाएको छ।
