सरकारले सरकारी प्रमाणपत्र प्राप्त गर्न कार्यालय नै धाउनुपर्ने झन्झट हटाउँदै अबको १५ दिनभित्रै मोबाइल एप वा ईमेलमार्फत डाउनलोड गर्न मिल्ने व्यवस्था गर्ने जनाएको छ । शासकीय सुधारका लागि १०० ओटा कार्यसूची सार्वजनिक गर्दै बालेन्द्र शाह नेतृत्वको नयाँ सरकारले यस्तो निर्णय गरेको हो । शुक्रबार बसेको मन्त्रिपरिषद्को पहिलो बैठकले कार्यसूची स्वीकृत गर्ने निर्णय गरेको उक्त कार्यसूची भने शनिबार साँझ मात्र सार्वजनिक गरिएको हो ।सरकारले सार्वजनिक गरेको कार्यसूचीको ३५ नम्बर बुँदामा प्रमाणपत्र नागरिकले आधिकारिक मोबाइल एप/नागरिक एप वा ईमेलमा ‘डाउनलोड’ गर्न मिल्ने व्यवस्था १५ दिनभित्र मिलाउने उल्लेख छ ।
