एमाले नेता महासचिव पोखरेलको पुत्ला दहन

काठमाडौं – नेकपा एमाले निकट युवा नेताहरुले पार्टी महासचिव शंकर पोखरेलको पुत्ला दहन गरेका छन् । संसदीय दलको नेतामा सुहाङ नेम्वाङलाई बलजफती पाखा लगाएपछि पार्टी निकट युवाहरु विरोधमा उत्रिएका हुन् । अस्कल क्याम्पसबाट सुरु भएको प्रदर्शन पार्टी कार्यलय च्यासलसम्म पुगेको थियो । युवाहरुले पार्टी कार्यलय अगाडि महासचिव पोखरेलको पुत्ला दहन गरेका हुन् । सो क्रममा पोखरेलविरुद्ध नाराबाजी गर्दै राजीनामा समेत माग गरिएकाे थियाे । एमालेले बुधबार मात्रै पार्टी संसदीय दलको नेतामा रामबहादुर थापालाई चयन गरेको थियो । युवा नेता सुहाङ नेम्वाङले पनि दलको नेतामा दाबी गरेका थिए ।