काठमाण्डौ

राष्ट्रिय स्वतन्त्र पार्टी (रास्वपा) ले सचिवालय बैठक आह्वान गरेको छ। पार्टी सभापति रवि लामिछानेले आइतबार दिउँसो साढे ३ बजे केन्द्रीय कार्यालय वनस्थलीमा बैठक बस्ने गरी बोलाएको जानकारी प्रवक्ता मनीष झाले दिएका छन् ।  बैठकमा जिल्ला अधिवेशन कार्यविधि, बैंक खाता सञ्चालन, केन्द्रीय आयोग तथा सल्लाहकार परिषद् गठन, संघीय नेतृत्व मञ्च र विभिन्न विभागहरूको मनोनयन, महाधिवेशन कार्यविधि मस्यौदा समिति गठन, साथै विज्ञ र योजना आह्वानलगायत ६ मुख्य एजेन्डामा छलफल हुने जनाइएको छ।