हेटौँडा । काठमाडौँ स्थित कालीमाटी फलफूल तथा तरकारी बजार विकास समितिमा आइतबार केराको थोक मूल्य नै दर्जनको अधिकतम २६० रुपैयाँ थियो । सोमबार भने कालीमाटीले केराको मूल्यसूची नै निर्धारण गरेन ।
कालीमाटीबाट बाहिर निस्कने बित्तिकै खुद्रा फलफूल पसलहरूमा केराको मूल्य उच्च छ । उपभोक्ताले चर्को मूल्य तिरेर किन्न बाध्य भइरहँदा केरा उत्पादक किसानले भने निकै कम दरमा बिक्री गर्न विवश छन् ।
नेपाली केराले बजार नपाउनुको मुख्य कारण भारतीय केराको आयात रहेको समेत अध्यक्ष महतोले खुलाए । गत दसैँ, तिहार र छठ जस्ता पर्वहरूमा भारतीय केराका कारण नेपाली केरा बोटमै पाकेर झर्ने अवस्थामा पुगेको उनले स्मरण गरे ।
चितवन केराको सुपर जोन भए पनि राज्यले किसानका समस्याबारे कुनै सोधपुछ नगरेको महतोको गुनासो छ । उनका अनुसार सरकारले बिमामा केही अनुदान र यान्त्रिकीकरणमा सहयोग गरे पनि पहिले दिँदै आएको ब्याज अनुदान अहिले बन्द गरेको छ ।
