विमान दुर्घटना, १४ जनाको मृत्यु

नैरोबी : दक्षिण सुडानमा विमान दुर्घटना हुँदा १४ जनाको मृत्यु भएको छ। दक्षिण सुडानको नागरिक उड्डयन प्राधिकरण (SSCAA)का अनुसार सिटीलिङ्क एभिएसनद्वारा सञ्चालित 5Y-NOK विमान दुर्घटना हुँदा विमानमा सवार सबै यात्रुको मृत्यु भएको हो।

येईबाट जुबा अन्तर्राष्ट्रिय विमानस्थलको लागि उडान भर्ने क्रममा सम्पर्क विच्छेद भएको उड्डयन प्राधिकरणले एक विज्ञप्तिमा जनाएको छ। जुबाबाट करिब २० किलोमिटर दक्षिण–पश्चिममा एउटा विमान दुर्घटना भएको प्राधिकरणले पुष्टि गरेको छ।

विमानले स्थानीय समय अनुसार ९:१५ बजे उडान भरेको र ९:४३ बजे सम्पर्क विच्छेद भएको बताइएको छ। विमानमा १३ यात्रु र एक पाइलट थिए, जसमा दुई केन्याली नागरिक र १२ दक्षिण सुडानी नागरिक थिए।