काठमाडाै : स्कटल्यान्डलाई हराउँदै नेपाल ‘ए’ ले जित दर्ता गरेको छ । माथिल्लो मूलपानी मैदानमा भएको खेलमा नेपाल ‘ए’ ले पहिलो अभ्यास खेलमा स्कटल्यान्डलाई ४५ रनले पराजित गरेको हो । टस जितेर ब्याटिङ गरेको नेपाल ‘ए’ ले निर्धारित ५० ओभरमा ८ विकेट गुमाउँदै २७७ रन बनाएको थियो ।
नेपाल ‘ए’ ले दिएको २७८ रनको विजयी लक्ष्य पछ्याएको स्कटल्यान्ड ४८.२ ओभरमा २३२ रन बनाउँदै अलआउट भएको हो । स्कटल्यान्डका लागि फिन्ले म्याकक्रेथले सर्वाधिक ५२ रनको अर्धशतकीय पारी खेले उनले ७३ बलमा ६ चौका र १ छक्का प्रहार गरे । मार्क वाटले ३७ रन बनाए ।
यी दुई ओपनरले पहिलो विकेटको लागि ८७ रनको साझेदारी बनाएका थिए । ब्रान्डन म्याकमुलेनले २१, म्याथयू क्रसले २२ र ओलिभर डेविसनले १७ रन बनाए । ओलिभरले आठौं विकेटको लागि ज्याक जार्भिससँग ५१ रनको साझेदारी बनाए । ज्याकले व्याक्तिगत ४५ रन बनाए । ज्यासपर डेविसन १४ रनमा अविजित रहे ।
सन्दीप जोराले ३४, वसिर अहमदले १७, पवन सर्राफले ३१ रन बनाए, रासिद खान १४ र दिपकप्रसाद डुम्रे २३ रनमा अविजित रहे । स्कटल्यान्डका लागि ब्राड्ले जेम्स करी र साफ्यान सरिफले २–२ विकेट लिए । ज्याक जारभिस, ओलिभर डेभिसन र मार्क वाटले १–१ विकेट लिए । नेपाल ‘ए’ ले दोस्रो अभ्यास खेल शुक्रबार अमेरिकासँग खेल्ने छ ।
