काठमाण्डौ । आइसिसी विश्वकप लिग–२ मा नेपालले बलिङमा उत्कृष्ट कमब्याक गर्दै अमेरिकालाई १९५ रनमा अलआउट गरेको छ । त्रिवि क्रिकेट मैदानमा भएको खेलमा बलियो सुरुवात गरेको अमेरिका ४३.३ ओभरमै अलआउट हुन पुग्यो । १२२ रनमा दोस्रो विकेट गुमाएको अवस्थामा बलियो अवस्थामा थियो । त्यसपछि अमेरिकाले लगातार विकेट गुमायो । पछिल्लो २५ रनमा उसले ५ विकेट गुमायो । अमेरिकाको ब्याटीङ धरासायी हुनुमा दीपेन्द्रसिंह ऐरीले उत्कृष्ट बलिङ गरे । उनले ७.३ ओभरमा उनले चार विकट लिएर २४ रन मात्र खर्चिए। सोमपाल कामीले २, सन्दीप लामिछाने र गुल्सन झाले १–१ लिए । अमेरिकाका लागि ओपनर स्मिथ पटेलले सर्वाधिक ८३ रन प्रहार गरे ।
