काठमाडौँ । चितवनको दासढुङ्गामा रहस्यमय जीप दुर्घटनामा नेकपा एमालेका तत्कालीन महासचिव मदन कुमार भण्डारीको निधन भएको ३३ वर्ष पूरा भएको छ । यो दुर्घटना अझै पनि रहस्यकै गर्भमा छ । २०५० साल जेठ ३ एमाले कास्कीको तेस्रो अधिवेशन सकेर चितवन आउने क्रममा जीप दुर्घटना परेर भण्डारीको निधन
भएको थियो ।
यस अवधिमा भण्डारीका उत्तराधिकारी माधव कुमार नेपाल, झलनाथ खनाल र केपी शर्मा ओली प्रधानमन्त्री बने । उनको पार्टी नेकपा एमाले १३ पटकसम्म सरकारको महत्त्वपूर्ण हिस्सेदार बन्यो । भण्डारीको निधनलाई दुर्घटना नभई षड्यन्त्रमूलक हत्या भएको आरोप लगाउँदै आएका एमालेका नेताहरू सरकारमा पुगेको बेला अनुसन्धान गरी हत्यारा पत्ता लगाउन तदारुकता देखाउन सकेनन् ।
