सुर्खेत । कर्णालीको मुख्यमन्त्री यामलाल कँडेलले सार्वजनिक फोरममा ‘सुशासन कायम गर्ने र विधि बसाल्ने कुरामा अन्य प्रदेशले हामीबाट सिक्नुपर्छ’ भन्दै आएका छन् । उनी प्रदेशका कुनै ठुलो रणनीतिक आयोजना बनाउने भन्दा पनि आन्तरिक गतिविधिलाई चुस्तदुरुस्त गराउनै अग्रसर पनि देखिन्छन् । हरेक जसो सार्वजनिक मञ्चमा आर्थिक अनुशासन कायम, विधिको पालना, चालु खर्च नियन्त्रण जस्ता कुरामा उनले जोड दिने गरे पनि नतिजा भने फरक देखिएको छ ।मुख्यमन्त्री कँडेलले सत्ता सम्हालेको पहिलो आर्थिक वर्ष (२०८१/०८२) मा कर्णाली प्रदेश सरकारको वित्तीय अराजकता बढेको महालेखा परीक्षकको आठौँ प्रतिवेदनले देखाएको छ । उक्त वर्षमा स्रोतको सुनिश्चितताबिना आयोजना छनोट, नियमविपरीत रकमान्तर, सार्वजनिक खरिद ऐनको पालना नगर्ने तथा असार मसान्तमा बजेट सिध्याउने जस्ता कार्यले वित्तीय अराजकता बढेको महालेखाले जनाएको छ ।
०.८६ प्रतिशतले बेरुजु बढ्यो
