खरिदारको तलब भत्ता अब करिब ५७ हजार, मुख्यसचिवको कति पुग्छ? यसरी हुन्छ हिसाब

काठमाण्डौ  सरकारले कर्मचारीलाई आकर्षित गर्न उल्लेखनीय तलब वृद्धि गरेको छ । 

चार वर्षदेखि तलब नबढेकोमा यसपालिको बजेटमा सरकारले कमर्चारीको करिब २१ प्रतिशतले तलब वृद्धि गरेको हो । 

सरकारी सेवामा कार्यरत कर्मचारीले लामो समयदेखि तलब नबढेको भन्दै गुनासो गर्दै आएका थिए । 

अर्थमन्त्री स्वर्णिम वाग्लेले पेन्सनरहरूको दायित्व वृद्धि कम र कार्यरत कर्मचारीलाई प्रोत्साहन गर्ने सुत्र लगाएर तलब भत्ता बढाएका हुन् । 

अब बढेको तलब अनुसार एक खरिददारको मासिक तलब भत्ता ५६ हजार ८७४ रूपैयाँ पुगेको छ । त्यस्तै मुख्य सचिवको एक लाख ४ हजार ८७ पुगेको छ । 

कसको कति र कसरी ?

मुख्यसचिव

हाल मुख्य सचिवले ग्रेड र भत्ता बाहेक मासिक ७७ हजार २११ रूपैयाँ तलब प्राप्त गर्ने गरेका थिए । 

सरकारले सबै सरकारी कर्मचारीको एकमुष्ट १० प्रतिशतले तलब वृद्धि गरेसँगै ७ हजार २२१ रूपैयाँले  बढेर ८४ हजार ९३२ रूपैयाँ पुग्छ। यो बढेको तलबमा मासिक रूपमा थप १० प्रतिशत प्रोत्साहन रकम दिने बजेटले उद्घोष गरेको छ। त्यसो हुँदा ८ हजार ४९३ रूपैयाँले बढेर ९३ हजार ४३२ रूपैयाँ पुग्छ । 

यो रकममा ५ हजार थप महँगी भत्ता दिइएको छ। यसो हुँदा ९८ हजार २५ रूपैयाँ तलब भत्ता हुन्छ । यस बाहेक आधारभूत तुलनामा मुख्यसचिवको दुई ग्रेड थप पैसा आउँछ । यो भनेकोको दुई दिनको तलब हो। यसको अर्थ ५ हजार ६६२ थप तलब बढेर एक लाख ४ हजार ४८७ रूपैयाँ पुग्छ । 

टेबलमा हेर्नुस् कसको कति तलब?

कार्यरत कर्मचारीको २१ प्रतिशतले तलब बढ्दा पेन्सनरहरूको भने १० प्रतिशतले मात्रै बढाइएको छ।