काठमाडौं : नेपाली क्रिकेटर कुशल भुर्तेलले चीनविरुद्ध एक ओभरमा ३७ रन बनाएका छन् ।
७ बलमा उनले ३७ रन बनाएका हुन् । उनले एक वाइडसहित ६ वटा छक्का हानेका छन् । एसियन गेम्स क्वालिफायरमा अहिले चीनविरुद्ध नेपालले ब्याटिङ गरिरहेको छ । ताजा अवस्थामा कुशल ३२ बलमा ९४ रन बनाएर खेलिरहेका छन् । नेपालले अहिले १० ओभरमा १३५ रन बनाएको छ । उनलाई साथ दिइरहेका कुशल मल्ल १६ रनमा क्रिजमा रहेका छन् ।
एसियन गेम्स छनोटअन्तर्गत नेपाली पुरुष टोलीले चीनलाई ३१४ रनको लक्ष्य दिएको छ।
सिंगापुरमा जारी खेलमा टस हारेर पहिले ब्याटिङमा आएको नेपालका लागि कुशल भुर्तेलले ४३ बलमा १२९ रनको विस्फोटक इनिङ्स खेले। उनले नवौँ ओभरमा प्रत्येक बलमा ६ छक्का प्रहार गर्दै यसअघि दिपेन्द्रसिंह ऐरीको नाममा रहेको रेकर्ड पनि बराबरी गरेका छन्।
त्यस्तै कुशल मल्लले ८५ र रोहित पौडेलले ६९ रनको अर्धसकतीय पारी खेले। मलेसियामा सुरु भएको महिला टोलीको खेल भने वर्षाले प्रभावित भएको छ।
