सुर्खेत : यार्सागुम्बा सङ्कलनका लागि डोल्पाको पाटनमा एक जनाको मृत्यु भएको छ । जाजरकोट नलगाड नगरपालिका–११ निवासी ४३ वर्षीय लोकबहादुर सिंहको मृत्यु भएको छ । डोल्पो बुद्ध गाउँपालिका-३ धो-टास्कीको तीनजङ्खोला पाटनमा यार्सागुम्बा संकलनका लागि पुगेका सिंह बिरामी भएपछि उपचारका लागि सदरमुकाम ल्याउँदै गर्दा काइके गाउँपालिका–७ को लैनीमा आज मृत्यु भएको प्रहरीले जनाएको छ । बिरामी भएर जेठ १२ गते धोबाट दुनैतर्फ आउँदै गर्दा बाटोमै मृत्यु भएको जानकारी प्राप्त भएको जिल्ला प्रहरी कार्यालय डोल्पाका प्रहरी निरीक्षक टोपेन्द्र बुढामगरले जानकारी दिए ।
