काठमाडौं : सीमाको बिषयमा प्रधानमन्त्री बालेन्द्र शाहले दिएको अभिव्यक्तिको विरोध गर्दै नेकपा माओवादीले शनिबार काठमाडौंमा प्रदर्शन गरेको छ ।
सीमाका बिषयमा प्रधानमन्त्री शाहको अभिव्यक्ति राष्ट्रघाती भएको भन्दै नेकपा माओवादीले शनिबार काठमाडौंको माइती घरमा विरोध प्रदर्शन गरेका हुन् ।
उनीहरुले सुस्ताका देशभक्त नेपालीहरुलाई राज्यले सम्मान दिनुपर्ने भन्दै सीमा रक्षाका लागि गम्भीर हुन सरकारको ध्यानाकर्षण गराएका छन् । प्रदर्शनकारीहरुले सीमा अतिक्रमण बन्द गर, सुस्तामा भारतीयको हस्तक्षेपको प्रतिरोध गरौं, भौगोलिक अखण्डताको रक्षा गरौं लगायतका प्लेकार्ड प्रदर्शन गरेका थिए । नेकपा माओवादीले सीमाका बिषयमा दिएको अभिव्यक्तिका बिषयमा प्रधानमन्त्री माफी माग्नुपर्ने जनाएको छ ।
