रास्वपा महाधिवेशन : पटकपटक मिति सार्दा पनि सुरु हुन सकेन मतदान

चितवन : रास्वपाको महाधिवेशनमा आज राति ८ : ३० बजेबाट मतदान गर्ने भनिए पनि अझै सुरु हुन सकेको छैन । रास्वपा निर्वाचन समितिले उम्मेदवारको अन्तिम नामावली नदिएका कारण भोटिङ मेसिनमा नाम समावेश गर्न सकिएको छैन । जसका कारण मतदान नै अनिश्चित बनेको छ। तर आजै मतदान सुरु हुने निर्वाचन समितिले जनाएको छ । सोही अनुसार विद्युतीय मेसिनका प्राविधिकहरूले काम गरिरहेका निर्वाचन आयोगका प्रमुख भुवन केसीले जानकारी दिए । १० बजेसम्ममा सुरु गर्ने तयारी गरिएको उनले बताए ।