काठमाडौं,भदौ ३ : नेकपा एमाले संसदीय दलका नेता रामबहादुर थापा (बादल)ले सरकारको नेतृत्व लिन राष्ट्रिय स्वतन्त्र पार्टी (रास्वपा)का सभापति रवि लामिछानेलाई सुझाव दिएका छन् । मुलुकमा देखिएका समस्या समाधानका लागि प्रधानमन्त्रीसहित सिंगो सरकार पुर्नगठन गर्न माग गर्दै थापाले यस्तो सुझाव दिएका हुन् ।
बुधबार प्रतिनिधिसभा बैठकमा बोल्दै थापाले मुलुकमा देखिएका गम्भीर समस्या समाधनका लागि सत्तारूढ दलका सभापतिको हैसियतले लामिछानेले पहलकदमी लिनुपर्ने बताए । प्रधानमन्त्री बालेन्द्र शाह जनता र संसदप्रति जवाफदेही नभएको थापाको आरोप छ ।
हत्या, आत्महत्या, आत्मदाह, झुट्टा मुद्दा, गैरकानुनी गिरफ्तारी र राज्य आतंकको पूर्ण जिम्मेवारी प्रधानमन्त्रीले लिनुपर्ने थापाले बताए । सरकार संख्या र राज्यशक्तिको दम्भमा नभई संविधान, ऐन र कानुनको परिधिभित्र रहेर चल्नुपर्ने थापाको भनाई छ ।
