गोरखा भदौ ३ : गोरखामा चट्याङ लागेर दुईजना घाइते भएका छन् । बारपाक सुलिकोट–७ बालुवाडाँडामा बुधबार साँझ चट्याङ लागेर दुई जना घाइते भएका हुन् । साँझ करिब ६ः१५ बजे परेको चट्याङ लागेर स्थानीय ४५ वर्षिया प्रेमबहादुर कुँवर र ३२ वर्षिया डिलबहादुर कुँवर घाइते भएको वडाध्यक्ष कृष्ण गुरुङले लालबिहानी लाई जानकारी दिए । गुरुङका अनुसार उनीहरुको अवस्था गम्भीर छ । थप उपचारका लागि प्रदेश अस्पताल गोरखा लगिएको छ ।
