काठमाडौँ,भदौ ७ : जय नेपाल पार्टी गठन गरेका धवलशम्शेर राणाले पूर्वराजा ज्ञानेन्द्र शाहसँग भेटवार्ता गरेका छन् ।
राणाले शनिबार ‘हिमानी ट्रस्ट’को कार्यक्रममा सहभागी भएपछि पूर्वराजा शाहसँग भेटवार्ता गरेको जानकारी दिए । राणाले आइतबार बिहान सामाजिक सञ्जालमार्फत भेटको तस्बिर सार्वजनिक गर्दै भेट फलदायी रहेको उल्लेख गरेका छन् । राणाले भेटमा के–के विषयमा छलफल भयो भन्नेबारे भने विस्तृत जानकारी दिएका छैनन् । राप्रपाबाट अलग भएपछि राणाले जय नेपाल पार्टी गठन गरेका हुन्। जय नेपाल पार्टीले राजतन्त्रसहितको एजेण्डा अघि सारेको छ ।
