पश्चिम एसियामा तनाव चुलिँदै, अन्तर्राष्ट्रिय बजारमा कच्चा तेलको मूल्य बढ्यो

काठमाण्डौ,भदौ १७ :  पश्चिम एसियामा  अमेरिका र इरानबीच बढ्दो सैन्य तनावका कारण विश्व राजनीति र अर्थतन्त्रमा गम्भीर असर पर्न थालेको छ । पछिल्लो २४ घण्टामा भएका आक्रमण र त्यसपछिका चेतावनीले यस क्षेत्रमा अस्थिरता थप बढाएको छ।

इरानको खातम अल-अन्बिया सेन्ट्रल हेडक्वाटरका प्रवक्ता कर्नल इब्राहिम जोल्फघारीले इरानी सेनाले यस क्षेत्रमा रहेका अमेरिकी सैन्य आधार शिविरहरूमा मिसाइल र ड्रोन आक्रमण गरेको पुष्टि गरेका छन्। इरानले यो कदम दक्षिण इरानमा भएका अमेरिकी आक्रमणको बदलामा चालेको बताएको छ।

विज्ञहरूका अनुसार मध्यपूर्वमा तनाव कम हुने संकेत नदेखिएकाले आगामी दिनमा तेलको मूल्य अझै बढ्न सक्ने सम्भावना छ ।