काठमाडौं भदौ २१ : दक्षिण कोरियाका विदेशमन्त्री चो ह्युन काठमाडौं आएका छन् । कोरियन एयरलाइन्सको जहाजबाट शनिबार बेलुकी पाँच सदस्यीय प्रतिनिधि मण्डलको नेतृत्व गर्दै उनी काठमाडौं आएका हुन् ।
भोटेकोशी नदीमा आएको बाढीका कारण केही कोरियाली नागरिकहरु बेपत्ता भएका छन् । त्यस्तै, दक्षिण कोरियाको लगानीमा रहेको जलविद्युत परियोजना पनि क्षतिग्रस्त छ। बाढीका कारण हराएका आफ्ना नागरिक र क्षतिग्रस्त अवस्थामा रहेको आफ्नो जलविद्युत परियोजनाको अवस्था बुझन् दक्षिण कोरियाका विदेशमन्त्री चो काठमाडौं आएका हुन् ।
विदेशमन्त्रीको स्वागतका लागि नेपालस्थित दक्षिण कोरियाली दूतावासका उच्च अधिकारीहरु त्रिभुवन अन्तर्राष्ट्रिय विमानस्थल पुगेका थिए । दुई दिने भ्रमणका लागि नेपाल आएका विदेशमन्त्री चोले परराष्ट्रमन्त्री शिशिर खनालसंग द्विपक्षीय भेटवार्ता गर्ने कार्यक्रम रहेको छ ।
