यस्तो भनेका थिए, प्रधानमन्त्रीले
काठमाण्डौ,भदौ २१ : यो टनेल (सुरुङ)मा आएको विपत्ति विशेष किसिमको छ । विश्वभरि पाइने एक्सपर्टहरु चाहिँ टनेलमा आउने पहिरोलाई पन्छ्याएर उद्धार गर्ने खालका हुन् । यस्तो एक्सपर्टिज चाहिँ विश्वभरि नै छ । तर यो चाहिँ फरक किसिमको किन हो भन्दा यो पहिरोले थुनिएको टनेल हैन । यी बाढी भित्र पसेर सँगसँगै हिलो माटोहरुले पूरै थुनिएका टनेलहरु हुन् । यससम्बन्धी काम गर्नलाई एकदमै ठुलो एक्सपर्टिज कुनै देशहरुसँग थिएन । हामीसँग पनि छैन । तत्कालै गर्न सकिने टेक्नोलोजी अहिलेसम्म कोहीसँग पनि छैन । विभिन्न राष्ट्रहरुमा जति उद्धार भएका थिए, त्योभन्दा यो एकदमै बिल्कुलै फरक किसिमको अवस्था हो ।’
त्यसभन्दा पनि अघि बढेर प्रधानमन्त्रीले जुनबेला पायक पर्छ, मौसमले साथ दिन्छ वा हिलो थोरै सुक्छ, त्यसपछि मात्रै उद्धार हुने आशयको अभिव्यक्ति पनि दिए । ‘जतिबेला अड्डिने ठाउँ हुन्छ, मान्छेहरु पस्न सक्ने त्यसलाई ब्रेक गर्न सक्ने ठाउँहरु हुन्छ, त्यो बेला मात्रै गर्न सकिन्छ । एउटा टनेलमा एकैचोटि चार–पाँच वटा २० वटा एक्स्काभेटर किन लाइएन भन्ने कुरा आएको थियो । त्यो एउटा टनेलमा एकचोटिमा एउटा दुई वटाभन्दा धेरै एक्स्काभेटरले काम पनि गर्न सक्दैन । त्यसको एउटा सीमा छ त्यो सीमाभन्दा बाहिर गएर अथवा एकैचोटि बाहिर बाहिरतिर एक्स्काभेटर लगाएर पनि गर्न सकिने थिएन ।
