काठमाडौं, भदौ २१ : भोटेकोशी बाढीपीडितका लागि राहत र उद्धारका सामग्री बोकेर थाई एयर फोर्स काठमाडौंमा अवतरण भएको छ। झण्डै २० हजार केजी राहत र उद्धार सामग्री लिएर थाई एयर फोर्स आज बैंककबाट काठमाडौंमा आएको हो ।
थाइल्याण्ड सरकारले पठाएका राहत सामग्री नेपालस्थित थाइल्याण्डका राजदुत वापोङ सिरिसोर्नले विज्ञान तथा नवप्रवर्तक मन्त्री महावीर पुनलाई हस्तान्तरण गरेका हुन् । बाढी प्रभावित क्षेत्रका लागि हालसम्म चीन, भारत, स्विट्जरल्यान्ड, दक्षिण कोरिया, जापान, पाकिस्तान, श्रीलंका, बंगलादेश,अमेरिका, अष्ट्रेलिया, संयुक्त अरब इमिरेट्स, कतार, सिंगापुर, बेलायतलगायत राष्ट्रहरुले सहयोग गरेका छन् ।
