काठमाण्डौ,भदौ ३० : नुवाकोटको किस्पाङ गाउँपालिकाका अध्यक्ष वीरबल तामाङलाई अदालतले बैंकिङ कसुरका एउटा मुद्दामा धरौटीमा रिहा गर्न आदेश गरेको छ । अरुण अर्याल जाहेरवाला रहेको ५ लाख २५ हजार बिगो भएको बैंकिङ कसुर मुद्दामा काठमाडौँ जिल्ला अदालतका न्यायाधीश टिकेन्द्र दाहालले मंगलबार उनलाई ४० हजार धरौटीमा रिहा गर्न आदेश गरेका हुन् । अदालतले धरौटीमा रिहा गर्न आदेश गरेपनि उनलाई प्रहरीले फेरि पक्राउ गरेको छ । अरू मुद्दाको बयान र अनुसन्धान बाँकी रहेको भन्दै प्रहरीले उनलाई फेरी पक्राउ गरेर प्रहरी वृत्त दरबारमार्गमा लगेको छ । तामाङलाई बुधबार पुनः अदालतमा उपस्थित गराइने प्रहरी वृत्त दरबारमार्गका एक जना अधिकृतले लालबिहानीलाई लाई बताए ।
सिंहदरबारबाट पक्राउ परेका वीरबल १० वटा मुद्दाका फरार प्रतिवादी भएको खुलासा
तामाङ सोमबार मध्यान्ह सिंहदरबारबाट निस्कँदै गर्दा पक्राउ परेका हुन् । उनी विरुद्धको थप ९ वटा बैंकिङ कसुरको मुद्दा प्रहरी कार्यालय र अदालतमा विचाराधीन रहेको प्रहरीको रेकर्डमा देखिएको छ।
