काठमाण्डौ,असौज ९ : काभ्रेको रोशी गाउँपालिकामा पहिरो खस्दा बीपी राजमार्ग अवरुद्ध भएको छ । जिल्ला प्रहरी कार्यालय काभ्रेका अनुसार आज बिहान करिब ४:३० बजे रोशी गाउँपालिका–७ स्थित चारसयवेशी र रोशी गाउँपालिका–८ स्थित गिम्दीवेशीमा सडक माथिबाट ठूलो पहिरो खसेको हो । पहिरोका कारण राजमार्गको दुवैतर्फको बाटो बन्द भएको छ।
पहिरोका कारण बाटो अवरुद्ध भएपछि प्रहरीले बीपी राजमार्ग भएर यात्रा गर्ने यात्रु तथा सवारी चालकहरूलाई सडकको वर्तमान अवस्था र आवागमन खुले/नखुलेको यकिन जानकारी लिएर मात्र यात्रा तय गर्न आग्रह गरेको छ।
