सुर्खेत असौज १२ : कर्णाली प्रदेशका पूर्वमुख्यमन्त्री राजकुमार शर्माको सांसद पद खारेज गर्ने प्रदेश सभाको निर्णयलाई सर्वोच्च अदालतले सदर गरेको छ । प्रदेश सभा सदस्यको निर्णय कार्यान्वयन नगर्न भन्दै शर्माले सर्वोच्च अदालतमा दायर गरेको रिट खारेज गर्दै प्रदेश सभा सदस्य पद रिक्त गरेको छ ।
शर्माले नेपाली कम्युनिस्ट पार्टीलाई विपक्षी बनाई अदालतमा रिट निवेदन दायर गरेका थिए । नेपाली कम्युनिस्ट पार्टीले उनलाई पार्टीको साधारण सदस्यसमेत नरहने गरी गत फागुनमा निष्कासन गरेपछि कर्णाली प्रदेशसभा सचिवालयले उनको पद रिक्त भएको औपचारिक जानकारी दिएको थियो ।
राजनीतिक दलसम्बन्धी ऐन, २०७३ को दफा ३४ को उपदफा (१) बमोजिम उनलाई पार्टीले कारबाही गरेपछि सोको जानकारी सचिवालयलाई गराइएको थियो ।
