कांग्रेस महाधिवेशनको चौथो दिन

काठमाण्डौ, असौज २१ :  नेपाली कांग्रेसका उपसभापतिका उम्मेदवार रञ्जित कर्णले अब राजनीतिक दलहरूको नेतृत्वमा युवा र विषय विज्ञ पुग्नुपर्ने बताएका छन् । विश्वमा युवाहरूले नयाँ नयाँ प्रविधि विकास गर्ने र त्यसअनुरुप विश्वलाई डोर्‍याउने क्रम बढेकाले नेपालका राजनीतिक पार्टीहरूमा पनि युवा र विषय विज्ञ नेतृत्वमा पुग्नुपर्ने बताए।

 पेशाले इन्जिनियर रहेका कर्णले १५औँ महाधिवेशन मा समावेशी तर्फको उपसभापतिमा उम्मेदवारी दिएका छन् । महाधिवेशन स्थल भृकुटीमण्डपमा महाधिवेशन बुधबार बिहान कर्णले भने, ‘हाम्रो देशको प्रधानमन्त्री युवा हुनुहुन्छ। विश्वमा अनकन प्रविधिको विकास युवाहरूले गरेका छन्। त्यसैले राजनीतिक दलहरूको नेतृत्व पनि युवाले गर्नुपर्छ भन्ने धारणाका साथ उपसभापतिमा उम्मेदवारी दिएँ ।’