धनगढी –कैलाली, कञ्चनपुरमा मध्यम देखी भारी वर्षा भईरहेकाले सतर्क रहन प्रशासनले आग्रह गरेको छ। आइतवार देखी लगातार वर्षा हुँदै आएकोमा धनगढी, टिकापुर, भजनी, जानकी गाउँपालिका लगायतका क्षेत्रमा भारी वर्षा भईरहेकाले स्थानियवासीलाई सतर्क रहन जिल्ला प्रशासन कार्यालय कैलालीले आग्रह गरेको हो।
बर्षाका कारण चौधर, सुहेली, मोहना, खुटिया,कान्द्रा लगायत साना खोलाहरुमा आकस्मिक बहाब हुन सक्ने भन्दै जल तथा मौसम विज्ञान विभागले सतर्क रहन आग्रह गरेको छ ।
भजनीका स्थानिय राकेश चौधरीले अत्याधीक वर्षाले वरीपरीको क्षेत्र जलमग्न भएको बताए। धनगढीको मिलनचोकका प्रदिप खत्रीले पानी निकास नहुदा समस्या भएको बताए। प्रमुख जिल्ला अधिकारी यज्ञराज बोहराले लगातार वर्षा भइरहेकाले उच्च जोखिम क्षेत्रका नागरिकलाई सतर्क रहन आग्रह गरे।
