कञ्चनपुर। कञ्चनपुर प्रहरीले लागु औषध सहित ६ जनालाई पक्राउ गरेको छ। प्रहरीले छुट्टाछुट्टै स्थानबाट मंगलबार लागु औषध खैरोहिरोईन सहित ६ जनालाई पक्राउ गरिएको जनाएको छ।
जिल्ला प्रहरी कार्यालयका प्रवक्ता प्रहरी नायब उपरिक्षक अमरबहादुर थापाक्षेत्रीले जिल्लाको बेल्डाँडी गाउँपालिकाबाट एक र बेलौरी नगरपालिकाबाट पाँच गरी ६ जनालाई पक्राउ गरिएको जानकारी दिए।
उनका अनुसार बेल्डाँडी गाउँपालिका वडा नम्बर २ को क्याम्पबाट तीन ग्राम ९५ मिलिग्राम खैरोहिरोईन सहित वेदकोट नगरपालिका ३ का २० वर्षीय राकेश चौधरीलाई पक्राउ गरिएको हो।यस्तै बेलौरी नगरपालिका वडा नम्बर १० को सडकघाटबाट थप पाँच जनालाई पनि पक्राउ गरिएको प्रहरी नायब उपरिक्षक थापाक्षेत्रीले बताए।
