डोटी । डोटीका तीन जना बेसाहारा बालकका लागि चन्दा संकलन कार्यक्रम सुरु भएको छ । जिल्लको सायल गाउँपालिका–६ नारा गाउँका तीन जना बेसाहारा बालकका लागि दिपायल सिलगढि नगरपालिका वडा न.५ मा रहेको लर्ड बुद्ध युवा क्लब डोटी र संघर्ष युवा नेपाल डोटीले चन्दा संकलन कार्यक्रम सुरु गरेको हो ।
५५ वर्षिया बुवा बाजि खातीको १४ महिना अघि नै मृत्यु भएसँगै आठ महिना देखि आमाले समेत छोडेका अलपत्र बालकहरु नौ बर्षका लक्ष्मण खाती, चार वर्षका गणेश खाती, डेढ वर्षका कृष्ण खातीको भविष्य अन्धकार हुनबाट बचाउनको लागि चन्दा संकलन कार्यक्रम सुरु गरेको लर्ड बुद्ध युवा क्लबका अध्यक्ष सुवास देवलले बताए ।
बालबालिकाको अध्ययन सँगै खानपान आवासको पनि उचित प्रबन्ध मिलाउनको लागि चन्दा संकलन कार्यक्रम सुरु गरेको संघर्ष युवा नेपालकी अध्यक्ष सबिना परियारले बताइन ।
साहारा बिहिन भएका उक्त तिनवटै बालकको उज्ज्वल भविष्यका लागि सक्दो आर्थिक सहयोग गरिदिन चन्दा संकला संस्थाहरुले अनुरोध समेत गरेका छन ।शुक्रबार गरीएको चन्दा संकलनमा आठ हजार आठ सय पैतालिस संकलन भएको जनाएको छ ।
