काठमाडाैँ । नेपालमा पछिल्लो २४ घण्टामा १०० जनामा काेराेना भाइरसकाे संक्रमण पुष्टि भएकाे छ। स्वास्थ्य तथा जनसंख्या मन्त्रालयले बुधबार सार्वजनिक गरेको विवरण अनुसार नेपालमा काेराेना संक्रमितको कुल संख्या १८ हजार ९४ पुगेको छ।
स्वास्थ्य तथा जनसंख्या मन्त्रालयकाे नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गाैतमले पछिल्लो २४ घण्टामा २०७ जना काेराेन संक्रमित डिस्चार्ज भएकाे जानकारी दिए। यससँगै हालसम्म डिस्चार्ज हुनेको कुल संख्या १२ हजार ६ सय ८४ पुगेकाे छ।
स्वास्थ्य मन्त्रालयका अनुसार पछिल्लो २४ घण्टामा देशभरका २८ वटा प्रयाेगशालामा ३ हजार ७ सय ७९ जनाकाे पीसीआर परीक्षण गरिएको छ।यस्तै हालसम्म देशभर २० हजार ८ सय ४२ जना क्वारेन्टिनमा रहेका छन्।
