भालुबाङ्ग। लुम्बिनी प्रदेशसभाको आठौँ अधिवेशन अन्तर्गत बुधबार दिउँसो १ बजे बस्ने तय भएको एघारौँ बैठक स्थगित गरिएको छ। प्रदेश सरकारको विशेष अनुरोधमा बैठक स्थगित गरिएको प्रदेशसभा सचिवालयले जनाएको छ। यसअघि पूर्वसूचना अनुसार बुधबार दिउँसो १ बजे बैठक बस्ने कार्यसूची तय गरिएको थियो । उक्त बैठक असार २१ गते आइतबार दिउँसो १ बजे बस्ने गरी तय गरिएको प्रदेशसभा सचिवालयले जनाएको छ । लुम्बिनी प्रदेशसभा नियमावली, २०७९ को नियम १२ को उपनियम (३) बमोजिम बैठक स्थगित गरी नयाँ मिति निर्धारण गरिएको सचिवालयले जारी गरेको सूचनामा उल्लेख छ।
