काठमाडौं : प्रहरीले नेपाल दूरसञ्चार प्राधिकरणका पूर्वअध्यक्ष भुपेन्द्र भण्डारीलाई पक्राउ गरेको छ। प्रहरीको केन्द्रीय अनुसन्धान ब्युरो (सीआईबी)ले बिहीबार बेलुका ललितपुरबाट उनलाई पक्राउ गरेको हो ।
सीआईबीका प्रवक्ता अनुपशमशेर जबराले स्मार्ट सेल घोटाला प्रकरणमा भण्डारीलाई पक्राउ गरेको बताए । उनले लालबिहानीसँग भने,’ स्मार्ट सेल घोटाला प्रकरणमा संलग्न देखिएकाले उनलाई नियन्त्रणमा लिएर अनुसन्धान भइरहेको छ।’ तत्कालीन सञ्चारमन्त्री रेखा शर्माले भण्डारीलाई दूरसञ्चार प्राधिकरणको अध्यक्ष बनाएकी थिइन् ।
