चन्द्रागिरिको विष्णु देवी कपास उद्योगमा आगलागी, तीन दमकल र ४९ सुरक्षाकर्मी परिचालन

१४ जेठ, काठमाडौं — चन्द्रागिरि नगरपालिका–१२ स्थित विष्णु देवी कपास उद्योगमा मंगलबार दिउँसो अचानक आगलागी भएको छ। उद्योग सञ्चालक राजु रन्जितकारको अनुसार दिउँसो ४:२० बजे आगलागी सुरु भएको हो। आगो नियन्त्रणका लागि काठमाडौं महानगरपालिका, नेपाल आयल निगम र चन्द्रागिरि नगरपालिकाका तीनवटा दमकल प्रयोग गरिएको थियो।

साथै, सशस्त्र प्रहरी अस्पतालबाट १७ जना र युद्ध कवच गण सितापाइलाबाट ३२ जना गरी कुल ४९ जना सुरक्षाकर्मी आगो निभाउन खटिएका थिए। प्रहरीका अनुसार आगो अहिले नियन्त्रणमा आइसकेको छ भने क्षतिको विवरण संकलन भइरेको छ।