काठमाडौँ, जेठ ७ — जिल्ला प्रहरी परिसर भद्रकालीको गेटबाट एक जना थुनुवा फरार भएका छन्। बुधबार दिउँसो काठमाडौं जिल्ला अदालतबाट म्याद थप गरी परिसर लगिएका थुनुवा फरार भएको प्रहरीले जानकारी दिएको छ। फरार हुनेमा दोलखाका २४ वर्षीय निशान परियार रहेका छन्। उनीमाथि अभद्र व्यवहारको कसुरमा अनुसन्धान भइरहेको थियो।
निशानलाई जिल्ला अदालतले अनुसन्धानका लागि पाँच दिन अनुमति दिएको थियो। उनको खोजी कार्य तीव्र बनाइएको छ भने जिल्ला प्रहरी परिसर काठमाडौंका एसपी अपिलराज बोहराले प्रहरी सक्रिय रुपमा खोजी गरिरहेको जानकारी दिए।
